Thursday, August 6, 2020
Home India Corona ki jaanch mein AP sare fehrist. Jagan ka daawa

Corona ki jaanch mein AP sare fehrist. Jagan ka daawa

Amravati: Andhra Pradesh ke wazeer-e-Aala YS  Jagan Mohan Reddy ney daawa kiya hai ke un ki riyasat corona ki jaanch ke maamla mein sare fehrist hai. Unhoun ney Tadepalligudam mein waqay apne camp office se Spandana Programme ke tehat zila Collector aur SPs ke sath video conference munaqqid karte hue kaha kay AP, Corona ki jaanch ke maamla mein sare fehrist hai kyunkay 50 hazaar se zayed test rozana riyasat mein karwaye jarahay hain.

Ynhoun ne Covid-19 waba ko roknay ke silsila mein ohdedaroun aur Doctors ke rule ki sataish ki aur kaha ke agarchay ke riyasat mein 1 lakh se zayed mamlaat darj kiye gaye hain taham un mein se nisf tadaad robah sahet hogayi hai. Corona se amwaat ki sharah mulk mein 2.5 feesad hai jabkay riyasat mein ye sharah sirf 1.06 feesad hi darj ki gayi hai.

Unhoun ne kaha kay corona ke 85 feesad se zayed mareez gharoun mein hi robah sahet hogaye hain. Unhoun ne kaha kay corona ke ilaaj aur ahtiyat ke barey mein baydaari laane ki zaroorat hai. Har gaon aur ward Secretariat mein posters lagaye jaane chahiye. Ohdedaroun ko chahiye ke wo Call Centers ki karkardagi par musalsal nazar rakhi. Hum corona ke mareezoun par gharoun mein hi nazar rakhen ge. Doctors ko chahiye ke un ki sahet par waqtan foqtan nazar rakhen.