Thursday, August 6, 2020
Home India Corona se mutasir shakhs ki biwi ko ghar mein daakhil honay se...

Corona se mutasir shakhs ki biwi ko ghar mein daakhil honay se rokk diya gaya, Sadak par barish mein hi raat guzarni padi

Amravati: Ek aisay waqt jab corona ke mamlaat mein izafah hota jaraha hai lekin doosri taraf logoun mein is talluq se hukoomat ki janib se baydaari ke bawajood khauf mein kami ke koi assaar nazar nahi aarahay hain. Aisay hi ek dil dehla dene walay waqea mein corona se mutasir shakhs ki biwi ko ghar mein daakhil honay se rokk diya gaya jis ke nateeja mein is khatoon ko ghar ke baher hi barish mein raat guzarni padi.

Ye afsoosnaak waqea AP mein pesh aaya. Zila Rajamahendravaram  ke Alcot Gardens  ilaqa mein ek makaan mein rehne wali khatoon jo ANM (Auxiliary Nursing Midwifery ) ke tour par kaam karti hai uska shohar haal hi mein corona se misbet paya gaya jis par Doctors ne is ko ghar mein hi allag thalag rehne ki hidayat di taham muqami afraad ne is par aitraaz kiya jis ke baad is khatoon ke shohar ko sarkari Quarantine markaz muntaqil kiya gaya.

Hab ye khatoon apne shohar ko is markaz mein choadnay ke baad raat ghar wapas huvi to padosion ney shadeed aitraaz karte hue khadsha zahir kiya ke chunkay wo ANM hai, Isi liye is ko bhi coronavirus ho sakta hai. Isi liye un afrad ne is ko ghar ke andar janay se rokk diya jis ke nateeja mein khatoon ku raat, Barish mein hi ghar ke baher guzarnay par majaboor hona pada. Khatoon ney ohdedaroun se is maamla mein mudakhilat ki khwahish ki.