Keeda 15 saal se Insaan ke sar mein dimagh kha raha tha

November 11th, 2019

Beijing: Dimagh mat khao ye jumla duniya bhar mein bohat mashhoor jumla hai jiske barey mein aksar auqat jhagdalu logon ko kaha jata hai ke dimagh mat khao, lekin haeran kan tor par ek haqeeqi khabar China se samnay aayi hai jahan par 1 shakhs ke dimagh mein keeday ko nikaal liya gaya hai jo iska dimagh kha raha tha.

 

Bartanwi khabar rasa idaray ke mutabiq China mein 1 shakhs ke dimagh ke paicheeda tareen operation ke baad dimagh se keeda nikala gaya hai jo uskay dimagh ko kha rha tha lekin haerat angaiz tor par wo shakhs marnay se mehfooz raha hai.

 

China ke dawakhane mein daakhil honay walay shakhs Wing layi ko 2007 usay Sar aur chehray ke baen hissay mein dard aur sun ki shikayat thi jo kisi bhi tarhan theek nahi horahee thi. iske baad har guzarta din usay mazeed kamzor aur mutasir kar raha tha. Isne poray arsay mein china ke badday dimaghi mahireen aur surgeon se bhi rabita kiya lekin wo is ki bigadhti hui kaefiyat jan-nay mein nakaam rahay. is ke baad mareez ki sahet taizi se bighdnay lagi aur doray padney lagey yahan tak ke wo hosh mein nahi rehta aur iski Basarat bhi shadeed mutasir horahee thi. Khush qismati se 2018  mein Dr ne marz shanakht karte hue bataya ke dimagh mein kechwa mojood hai jo dimagh ko kha kha kar bohat bada bhi ho chuka hai lekin dimagh ke naazuk hissay mein til-milaraha hai aur hassas hissay ke operation mein khud nuqsaan pohanchnay ka khadsha hai. Is ke baad china ke mashhoor dawakhane mein daakhil kiya gaya aur paicheeda operation ke baad dimagh se keeda nikaal liya gaya.  2 ghantay ke operation ke baad jab keeday ko dekha gaya to maloom hua ke yeh kuttay aur billiyon ki anton mein paaya jata hai aur insanoun mein iski mojoodgi bohat hi kam dekhi gayi hai. –YTN STAFF