Shadi ki raat bhi Dulha Dulhan ko cricket match ki fikar lagi rahi

November 7th, 2019

Dubai : Duniya bhar mein kheloun ke anokhay aur dilchasp shaiqeen dekhnay ko mlitay hain jo khel aur khiladiyoun se apni mohabbat aur junoon mein anokhay andaaz apnakar duniya bhar ko haeran kardete hain.

Khel se mohabbat ki international cricket council ( ICC ) bhi iski tasweer twitter par shaya karne se khud ko nahi rok saki.

ICC ne twitter par ek post shaya ki jis mein ek naya shadi jodey ko shadi ke libaas mein mein dekhaya gaya jabkay aqab mein ek TV screen par match chalta hua dekha jasakta hai. Husn-e-tasleem Nami is shakhs ne ICC ko ek post shaya ki jis mein unhon ne bataya ke woh cricket ke bohat badey Shaiq hain aur yeh tasweer unki shadi ki raat ki hai jo guzashta haftay munaqqid hui thi. unhon ne apni post mein likha ke rivayet ke mutabiq shadi honay ke baad dulhan ko ghar laya jata hai, jahan qareebi rishtedaar dulhan ka istaqbaal karte hue chand rusumaat ki adaigi karte hain.

Husn tasleem ne bataya ke America mein hui is shadi ke baad jab woh raat mein ghar pohanche to Pakistan aur Australia ke darmain T20 match chal raha tha. unhon ne bataya ke woh shumali America mein arsay se muqeem hain aur cricket ke junoon aur shoq ke sabab raton ko jaag kar Pakistan ko khelte hue dekhte hain aur apni shadi ki raat bhi unhon ne is rivayat ko barqarar rakha aur shadi ki raat bhi match dekha. ICC ne apne paegham mein kaha ke hamein America se ek paegham mila hai aur hamein pata hai ke yeh unki cricket se unki mohabbat ka saboot hai. –YTN STAFF