Tuesday, August 11, 2020
Home India Sirf Kashmir hi nahi, Kasmiri bhai Bharat ka hissa hain. SDPI

Sirf Kashmir hi nahi, Kasmiri bhai Bharat ka hissa hain. SDPI

New Delhi: Social Democratic Party Of India ( SDPI ) ke qaumi sadar MK  Faizi ne kashmirioun ki pareshani par gehray sadme aur gham ka izhaar karte hue lockdown Kashmir mein honay walay fouji mazalim ki sakht muzammat ki. MK Faizi ne mazeed kaha hai ke sirf Kashmir ka Geographical ilaqa nahi balkay wahan par muqeem kasmiri bhi hindustani hain. Kashmirioun ko un ke mazhabi aqeday ki bunyaad par qatal, Tashadud aur un se alehadgi ikhtiyar karne se kabi bhi wahan par aman qaim nahi kiya ja sakta hai balkay is se ilaqay ki sorat e haal mazeed kharab hosakti hai.

Augst 2019 mein Article 370 aur 35 bain ul aqwami convention ke barkhilaf Jammu Kashmir mein internet tak rasai par pabandi ayed thi ya shehrioun ko bairooni duniya se honay walay tamam muwasilat se inkaar karte hue un par pabandi ayed kar di gayi thi. Mumtaz Secular siyasi rehnumao riyasat mein ya is ke bahar nazar band hain. Baher waloun ko Jammu Kashmir mein dakhlay par pabandi ayed ki gayi taakay wo crackdown ki asal ko noiyat ko nah dekh saken. Ghair adalti qatal, Jismani aziat, Esmatdarri waghera Kashmir mein ek mamool ban chuke hain. Wazeer e dakhla Amit Shah ney kaha tha ke Article 370 aur 35 A ku mansookh karne se hoga wo ghalat saabit huwa hai. Kashmir ab ghair elania marshal law ki zad mein hai. Fouj ke zulm-o-barbariyat insani shaistagi ki har had se tajawaz kar chukay hain.

Apne dada ki laash par baithy 3 saal ke bachay ki taaza tareen dard naak tasweer jo ab Social Media par baday pemanay par gardish horahee hai is se poori duniya mein gham-o-ghusa phail gaya hai. Fouji sarkari zaraye ka kehna hai ke unhoun ney is bachay ko askriat pasandoun se bachaya hai jinhoun ney is ke Dada ko goli maar kar halaak kar diya tha, Lekin jaan bahaq honay walay fard ke ahal khanah aur gawah fouj ke is daaway ki tardeed kar rahay hain aur un ka kehna hai ke fojioun ne un ko Car se ghaseet kar baher nikala tha aur unhen goli maar kar halaak kardiya tha aur bachay ko un ke jism par bithaya, Is ki tasweer nikaali aur ilzaam ye lagaya ke un ko askriat pasandoun ne halaak kiya tha. SDPI qaumi sadar MK Faizi ne mutalba kiya hai ke Kashmir mein fouj ke ghair insani mazalim ko fori tor par khatam kiya jaye aur insani haqooq aur samaji kaarkunoun ki ek azad team ko Kashmir jaaney aur sorat-e-haal ka jaiza lainay aur is ki report dainay ki ijazat di jaye.