Siyasat daan ne parliament mein poocha mujh se shadi karogee

December 4th, 2019

Italy: Parliament mein hum ne aksar kisi na kisi maslay par behas hi hoti dekhi hai ya phir kisi maslay par qanoon ki tayari mai rukan ki himayat mein aawazian uthati dekhi hain. Hukmaran Party aur Oppostion ki ladai to kayi martaba dekhi lekin Kiya kabhi aisa dekha jab parliament mein kisi ne seedha shadi ki tajweez rakh di ho aur mahol Romantic hogaya ho. Italy ki parliament mein aisa manzar dekhnay mein aaya jahan ek rukan parliament ne apni saathi ko shadi ki tajweez pesh ki. Rukan parliament aur wazeer khazana ne parliament house mein apne khitaab ke douran Girl freind ke samnay shadi ki tajweez rakh di.

Wazeer khazana Flavio Di Muro zalzalay par apna bayan day rahay they aur achanak hi unhoun ne apni girl freind ke samnay angothi nikaal kar shadi ki tajweez rakh di. Wahan mojood sabhi loog inhen herat se dekh rahay they. Khitaab ke douran aap ne kayi logoun ko sotay ya apne phone mein masroof dekha hoga par is terhan ka anokha maamla nahi dekha hoga. Lekin itnay mein hi un ki Girlfreind ne un ki tajweez qubool karkay parliament ke mahol ko aur bhi khushnuma bana diya.

Wazeer khazana ne baday hi allag andaaz mein poocha Elisa Kiya tum mujh se shadi karogee. Elisa  ne jaisay hi tajweez ko qubool Kiya wahan sabhi logoun ne taliyan bajana shuru kar dein. Yaad rahay ke Muro 2016 mein Italy mein aeye zalzele par izhaar khayaal kar rahay they.

Halaank parliament ke speaker Roberto Fico ne khitaab ke douran Muro ke is terhan se shadi ke liye peshkash andaaz par narazgi ka izhaar Kiya. Roberto Fico ne kaha ke mein khush hon par is terhan parliament ki karwai ke darmain is terhan ki mudakhlat theek nahi hai. –YTN STAFF