TSMFC ki scheme ke liye darkhwastein jama karne ki tareekh mein towsee ka mutaliba

November 13th, 2019

Hyderabad: Congress party ne chaharshambe ke roz Telangana reyasati aqliyati maliyati corporation (TSMFC ) ke ”Driver empowerment programme“ke tehat darkhwastoun ko jama karvane ke liye Aaqri tareeq may towsee ka mutalba kiya.

Telangana Pradesh Congress Committee ( TPCC ) ki aqliati mehakma ke chairman Sheikh Abdullah Sohail ki sarbarahi may, TPCC ke tarjuman Syed Nizamuddin, Hyderabad Congress aqliati mehakma ke chairman Sameer wali ullah aur deegar par mushtamil wafad ne Hajj house may TSMFC ke chairman Syed Akbar Hussain se mulaqaat ki aur ek yaad-dasht pesh ki.

TSMFC ne’ driver empowerment programme’ ke tehat Maruti Swift Desire tour. is gaadi ki maali eaanat ke liye ahal aqliyati driveroun se darkhwastein talab kee the aur darkhwastein jama karvane ki aakhri tareekh 15 November taye ki gayi hai taham, Abdullah Sohail ne kaha ke senkdoun darkhwast dahindgaan guzashta haftay bohat se tatilat aur mehakma mehsoolat ki janib se hadhtaal ki wajah se MRO dafatir se Income Certificate aur deegar zaruri  dastawizaat banwane se qassar the.

lehaza Abdulallah Sohail ne TSMFC ke chairman se darkhwast ki ke wo darkhwasten jama karwane ki aakhri tareekh mein towsee karen, taakay mustahiq be-rozgaar noujawanoun ko scheme ke liye darkhwast dene ke ahal banaya jasakay, jis par Akbar Hussain ne is mutalba par ghour karne ka tayyaqunn diya. -YTN STAFF