Thursday, August 6, 2020
Home Others Technology WhatsApp mein kayi nai sahuliyaat anqareeb muta-arif hon gi

WhatsApp mein kayi nai sahuliyaat anqareeb muta-arif hon gi

Hyderabad: Whatsapp ne mutadid naye Feature muta-arif karwane ka elaan kiya hai jo Facebook ki zeer melkiyat Application mein aindah chand haftoun mein sarifeen ko dastyab hon ge.

Un mein se beshtar features ke barey mein to pehlay se hi maloom hochuka tha kyunkay wo Beta version mein aagaye they lekin ab company ki janib se elaan ke baad jaan chuke hain ke wo aam sarifeen jald istemaal kar saken ge.

Un mein se ek Feature naye Contacts ko aasani se shaamil karne ke hawalay se hai aur is maqsad ke liye WhatsApp ne naya QR Code muta-arif karwaya hai. Is Feature ki badolat sarif kisi dosray Sarif ke que are code ko scan karkay Contacts mein shaamil kar sakay ga, yani phone number ko type karne ki zaroorat nahi rahay gi

yeh Feature kayi mah pehlay beta version mein aaya tha aur ab tamam sarfeen ke liye muta-arif karwaya ja raha hai. isi terhan aik Feature video calls ke hawalay se hai jis ko mazeed behtar banaya gaya hai. video calls mein pehlay hi 8 afrad ko shaamil kiya ja ja chuka hai, ab naye Feature ke tehat sarif call mein shareek kisi fard ke Icon ko kuch der tak daba kar full screen mein dekh sakay ga.

Isi terhan group Chats mein ek video Icon bhi diya ja raha hai taakay single click se group video call shuru ki jasakay lekin ye un groups mein hi nazar aaye ga jis mein logoun ki tadaad 8 ya is se kam hogi.

Ek aur feature Animated Stickers Pics ka hai jis ki azmaish kuch arsay se Beta Version mein bhi horahee thi. Bazahir ye Animated Stickers WhatsApp ke mojooda Stickers jaisay hi hain bas un mein Animation ka izafah kiya gaya hai. WhatsApp version aur Desktop service ke liye ek naya dark mood bhi pesh kiya gaya hai jo mobile Apps mein pehlay hi dastyab tha.

Aakhri Feature Kai operating system par kaam karne walay features phone mein Status feature ka izafah hai. WhatsApp ne kaha hai ke web version ke liye dark mood aur kai OS ka Status feature ab live hai jabkay deegar features ayenda chand haftoun main sarefeen ku dastayab huge.