Zaireen Hajj Rami Jamrat ke liye Mina wapas pahonch gaye

August 21st, 2018

Hajj ke liye Saudi Arab aanay walay zaireen ne Mina aur masjid alhram wapsi ka safar shuru kar diya hai taakay woh Eid al-Adha ke pehlay din ki mutabiqat se manasik Hajj ki adayigi jari rakhen. Hajion ne guzashta raat Muzdalifa mein guzaarne ke baad Hajj ke farayez ada karne ke liye Mina aur Makkah ka rukh kya hai. Un farayez mein se aik Rami Jamrat bhi hai jis mein shaitan ko kankariyan maari jati hain. Rami Jamrat ke liye Hujjaj karaam kayi manzila pul par se shaitan ki numaindagi karne walay teen sutunon ko pathar maartay hain. Raitilay toofan ki wajah se Arafat aamad mein takheer hui jis ke nateeja mein aksar Hujjaj karaam ko sakht dhoop mein maidan e Arafat pahonchna pada. Hujjaj karaam mazhabi josh wo jazba se sarshaar hokar is shadeed garmi ka muqaabla karte rahay. Iss mauqa par muqami tibbi amla ne Hajion ko pani pohanchanay aur rastay mein zakhmi honay walay Hajion ko bharpoor madad faraham ki. Aarzi shelters mein tabiyat ki bahaali ke liye ruknay walay Hajion ke groups shadeed thakan ke bawajood baar baar Labaik Allahumma Labaik ka vird kar rahay thaiy.